فتح باب وفتح اب اثر شاعر اهل بیت جعفر صادقی متخلص به صادق
يا حق يا علي
شجاعت حضرت علي (ع)
هانسي گروهين بئله سالاري وار شيعه لرين حيدر كراري وار
كيمدي علي عارف ذي جاهيدور
خلقتين اسرارينه اگاهيدور
شاني بويوكدور اسد الله يدور
ملك ولايتده شهنشاهيدور نوريدن افلاكيده درباري وار
كيمدي علي ؟تيغ دوسر صاحبي
زبده مبارزدي هنر صاحبي
تك دئمه دعواده ظفر صاحبي
بلكه مولف دي اثر صاحبي نهج بلاغه كيمي اثاري وار
خلقه وئريب درس شرافت علي
شه لره اورگتدي عدالت علي
اولمادي پابند رياست علي
قلبلره ائتدي حكومت علي گور نه قدر ايندي طرفداري وار
صدقيله (صادق )گينه عنواني ياز
مدحت شاهنشه مرداني ياز
خيبري فتح ائتديقي جرياني ياز
ذكر ائله يا فاطمه ؛ديواني ياز چون خانيمين دست مدد كاري وار
غزوه خيبرده نبي پير حق
امر ايلدي يا علي اي مير حق
ال اليوه قهريله شمشير حق
تا گوره لر عرصه ده اي شير حق سن كيمي اسلامين علمداري وار
امره اطاعت ايلدي بو تراب
عرصه ده فورا ياراديب انقلاب
پوزدي يهودين سپهين اول جناب
سسلدي دين پايه سي اولماز خراب رئس ده چون احمد مختاري وار
مرحب او دم اگه اولوب مطلبه
بيلدي دوشوب لشكري تاب وتبه
قلعه ني ترك ائتدي مينوب مركبه
عرصه ده باخدي او شه اطيبه گوردي عجب قامت ستواري وار
مرحب ئوزي جنگده مشهوريدي
بير يل گردنكش و پرزوريدي
قدرت بازو سينه مغروريدي
ظالميدي چشم دلي كوريدي حقي او گورميردي نه انواري وار
چكدي قليج يكه سوار عدو
سسلدي غيظيله او بي ابرو
صحنه دعواده منم جنگجو
عرصه ني الان ائدرم زيرو رو منله كيمين جرات پيكاري وار
شير خدا قويدي قدم عرصيه
دوشدي ايله لرزه او دم عرصيه
صولتيلن ويردي علم عرصيه
باخدي او درياي كرم عرصيه گوردي كي بير دشمن غداري وار
مرحب ظالم دئدي برتر منم
جنگيده مين فرده برابر منم
نعره چكيب قان توكن اژدر منم
فخر يهودم يل خيبر منم هانسي دژين من كيمي خونخواري وار
سسلدي مولا ده دلاور منم
تيغ دو دم صاحبي صفدر منم
گر تانيمورسان تاني حيدر منم
شير خدا يار پيمبر منم هانسي شهين من كيمي سرداري وار
جنگي غرض باشلادي پيل يهود
تيغي گلوب فرق امامه فرود
چاتدي جراهت باشينا سيندي خود
ايلدي بير حمله شه ملك جود پنجه ده شمشير شرر باري وار
گويدن انيب ساعقه تك ذولفقار
مرحبي ائتدي دركه رهسپار
روح المين نازل اولوب بي قرار
ئوپدي امامين اليني پيك يار دست حقين گور نئجه زواري وار
راوي ديور گوردوم عليني عيان
قوزادي خيبر قاپيسين ناگهان
قلعه ني فتح ايلدي شاه جهان
قهريده چاتماز اونا هئچ قهرمان چون قولونون قدرت قهاري وار
سالدي بوقول ياديمه بيرايري قول
طبعيمه اي روح قدس ياور اول
نهر فرات اوستونه سال فوري يول
كيمدي دئير گور سووا تئز مشكه دول حيدره تاي قوه لي قولاري وار
كيم دي بو مولا شرف ناسي دور
گنج شرافتده كي الماسيدور
روح صفا صاحب احساسيدور
كان وفا حضرت عباسيدور ماه كيمي جلوه لي رخساري وار
با سلام خدمت همه دوستان عزيز اين وبلاگ با نام قانلي قونداق (قونداقه خونين ) ورود همه شما دوستداران اهل بيت علي الخصوص عاشقان حضرت علي اصغر (ع) را گرامي مي دارد