اي سپهر   ال الهيده  بنذيين     يوزي   ايه    قارداشيم 

        اهل بيتمون باشي اوستونه سروتك سالان سايه قارداشيم

اي    مجاهدين    وشهيدلر   غبطه ايلين   احترامينه

پشت پا وروب   اني لذته     حائل اولدون الله كلامينه

سير ائدوب حقيقت مراتبين يتدون عبد صالح مقامينه

       يوخ گمان نظيرون گله سنون حشر اولونجا دنيايه قارداشيم

اي   گيجه    نمازي   قيلانلارون   پارسا وپر شضور افضلي

سيرتي  حيا   طينتي   وفا   قامتي   رسا    صورتي  جلي

نفسي پاك وپاك روحي تابناك ضرب شصتيده مرتضي علي           

عاشقان حقون سرامدي بزم عشقه پيرايه قارداشيم

شاخه سي سينان سرو تك يره زيندن نه پوزگون يخيلموسان

قامتون   دوشوبدور    قيامدن باش    وجانيوي ترك قيلموسان

پنجه سيز قالان   شيره   بنذيوب  گويا كمنده   سيخيلموسان

بو يخيلماقون بو سيخيلماقون نيسكيل اولدي زهرايه قارداشيم

خط مشيميز مرتضي گيدن يولدي بو يولون اوسته بيز واروق

بحر   غمده    اغوش    بازيله موج   هولناكي   قوجاقلاروق

اهل دين بيزي   ساخليانمادي عزتيله   بيز ديني ساخلاروق

قرعه سعادت ازل چيخوب خاندان طاهايه قارداشيم

اين نوحه در 15 بند مي باشد كه در صورت استقبال شما عزيزان ما بقي نوشته خواهد شد