آخماز علي فلكده ستاره سنون كيمي

گلزاريده يورولماز هزاره سنون كيمي

گل برگينه خزاندا كچر خار زهرناك

اولماز نشان سه شعبلي خاره سنون كيمي

ماهي سودان كناره دوشنده چاليخليار

دوشمز وليك زجر وفشاره سنون كيمي

صياديلر بو رسميدي اهوني صيد ائدر

ويرمازلا حلقنه ولي ياره سنون كيمي

هانسي بير اوچي قاشميان اهوني اوخليوب

ظلم ايلوبله هانسي شكاره سنون كيمي

يانديقجا شمعلر توچولر اشكي دامنه

اخماز سرشك گرمي عذاره سنون كيمي

شيرين طعاميله صود امر صوددن ايريلار

صودن دوشه چتيندي كناره سنون كيمي

دردين دير اوغول ديلي اولسا اتاسينه

ائتمز اتا يوزينه نظاره سنون كيمي

ديلسيز لري ديله گتورر ديلسيز ئولمگون

رمز غمي ائدله اشاره سنون كيمي

چوخدور غميم وصاله ياخونلاشميشام نه غم

تحفه واريمدي محضر ياره سنون كيمي

بزم نگاريده الي بوش قويمادون مني

گل يولارام حضوره نگاره سنون كيمي

زينب بي بون باخور سنه من هاردا قبر اچوم

قويماز اتا بالاني مزاره سنون كيمي