شعري در باره شهيدان روستاي ورجوي
بسم رب الشهدا والصديقين
تقديم به انان كه با خون خود سرمشق
ازادي وجوانمردي را برايمان انشا كردند
*****************************************************************
شهدانين آدي بير تازلنيب ياد اولسون
اوخويون فاتحه تا روحلري شاد اولسون
معرفت اولماسا انساندا لياقت اولماز
هركسين قيسمتدي دنياده شهادت اولماز
عقل سسلندي كي گئتمه باتاسان آلقانه
عشق سسلندي كي گئتسون چاتاسان جانانه
عقل آرام دئدي باخ آنوون حسرتينه
قال سن آرتير بو گوزل منزيلون زينتينه
عشق سسلندي كي ورسون الوي ايندي منه
حق ده محشرده ورر قصر بهشتيني سنه
عقل گورخوددي دئدي دشمنيون قدرتي وار
نچه كشورله اونون جنگه گوره بيعتي وار
عشق سسلندي بيلون سوزده علي غيرتي وار
ايميون ذلته باش شيعلرين عزتي وار
عقل تائيد ايلدي عقلله عشقين سوزوني
عشق عاشق اليب جبهه عقلين اوزوني
ورجوي كندي وفا ائدي گوزل پيمانه
الي اوچ لاله وريبدور چمن ايرانه
شهد شرين شهادتدن ايچن آدلاراباخ
عوضه حيدريه حجته فرهاد لاراباخ
ذاكريلركيمي كيم دور كي شجاعت يارادا
يا نوين لر كيمي ميداندا قيامت يارادا
بوردا فلاحي كيمين عاشق ياسين ياتوب
شهيد احسانيي كيمين روضه رضوانه چاتوب
شهيد عباسيني مختارييني بير ياده سالاخ
تا نفس وار بيلميزده اولارين جويلون آلاخ
پور رضانين ادبي اينده ديلرده قالوب
بيليسو زجعفريميز بعثيلرين تانكين آليب
يري وارياده سالام بوردا رجب زاده لري
ملكي؛ ايزديني؛ عشقلي ديلداد ه لري
عشقي كل شهدانين قرا پرچم لريدي
جبهه ده خط مقدم ده مقدم لريدي
هم جواديله صمد روحلري شاد اولسون
راشيدينين ايكي دنيا ائوي اباد اولسون
ورجوي شهرتي منصور آدي ديلرده قاليب
جعفري دشمنيني عرصه ده چوخ تنگه ساليب
يري بوش گورسنيري ايندي تقي زاده لرين
شهيد اقباليلرين عشقلي ازاده لرين لرين
ورجوي گور نجه باشدان كچيب آلقانه باتوب
باشي نيلير او كي سر منزله عرفانه چاتوب
ويرمادي دشمني داوود گوروب ياره سي وار
بيلديم اما اوزونون هنجر صد پاره سي وار
بس كي افشاريان پيكري غربت ده قاليب
سكيز ايل باد صبادن اناسي عطرين اليب
اوج عشقين واريدي عشقيلي شهبازيلري
جبهه خوش ساخلادي دهقان كيمي سربازيلري
گور نجه هاشميان جبهه ده غوغا لييب
پور مرجانه باخوون غيرتي معنا الييب
حق مناسينده باتيبلار قانا چوخ پير وجوان
راد پوريله ؛عبادي ؛ باباعلي ؛اكبريان
كاش بير لحظه عزيزي دورا قران اوخرا
مست اده جانيميزي نغمه جانان اوخرا
خاك پايي له محامد هرسي تازه جوان
باتديلا ر قانه وريبلر ره اسلاميده جان
عشق پرويزيني چكدي شهدا عرصه سينه
رهسپار اولدي عظيميله بلا عرصه سينه
عشق اوجالديبدي قلي زاده ني غفارياني
شهدانين قسم الله مقدس دي قاني
دوغسا گر مين ده معراج بو چرخ ابي
چتين ايشده جله تا بيرده اولا سهرابي
رستمي ادي وصييت بيله بير عنواندا
قويميون رهبريميز تك قالا بو ميداندا
پهلوانيله كريم زاده وريبلر ال اله
تاي لاري عالمه هي هات رشادتده جله
اوجاديب باشيني داغلار كيمي پور اسكندر
فتح اديب قله ايثاري رشيدي اذر
پاك اوركلرده هميشه شهدا زنده ديلر
ايندي ده ادلاري ديلردي پاينده ديلر
با سلام خدمت همه دوستان عزيز اين وبلاگ با نام قانلي قونداق (قونداقه خونين ) ورود همه شما دوستداران اهل بيت علي الخصوص عاشقان حضرت علي اصغر (ع) را گرامي مي دارد