سن حسين كفن گيوبسن حرمون نوايه گلسون
خبرائت انام بتوله ئوزي كربلايه گلسون
توخيوب او كونگيكه اوزي بوقچادان گتورسون
الينه الوب امانت كفني سنه يتورسون
اوزي تشنه لب منايه سني خيمه دن اوتورسون
صورا ويرمگه تسلي من بينوايه گلسون
كمكه وار احتياجيم بو منيم بلا گونيمدور
سنون ايريليق گونوندور باجووام قرا گونومدور
بلورم قيامتيمدور غمه مبتلا گونومدور
دي گوروم كيمي قالوبدور باجوون هرايه گلسين
بو وداع اخريندور بلورم حسين سوزوندن
دوشوب عترت وحريمون بالا قزلارون گوزوندن
ئولوب اكبرون اودور كه بله دويموسان اوزوندن
اورگونده نه غمون وار من مبتلايه گلسون
ستميله اي بو چولده پوزولان جلالي قارداش
گوزي ياشلي قاره گونلي قالان اهل عيالي قارداش
نله سون قيزون رقيه او حرم غزالي قارداش
سنه اورگشيب دالونجا نقدر نوايه گلسون
ديمورم بو ايريليقدا من دلكبابي ديندير
گوزي ياشلي قاره معجر حرمون ربابي ديندير
بالاسي ئولوبدي چوخدي بلوسن ثوابي ديندير
كيم اوني سالوب بلايه اوزي مين بلايه گلسون
سنون عشقيوله غنچه گليني وروب بوداقدان
بالا غصه سي اناني نجه گور سالوب اياقدان
گله بيلميور قباقه دايانوب باخور اوزاقدان
اوتانور منيم يانيمدا اودا التجايه گلسون
مرحوم انور
با سلام خدمت همه دوستان عزيز اين وبلاگ با نام قانلي قونداق (قونداقه خونين ) ورود همه شما دوستداران اهل بيت علي الخصوص عاشقان حضرت علي اصغر (ع) را گرامي مي دارد